Showing posts with label Henri Julien Félix Rousseau. Show all posts
Showing posts with label Henri Julien Félix Rousseau. Show all posts

Monday, September 5, 2011

ერთი კვირა, კედელზე

სეზონის ცვლილებას შესაფერისი განწყობა და ფერები მოაქვს. არჩევანი: ანრი რუსოს "პეიზაჟი ფერმერთან ერთად" – მხატვრისთვის დამახასიათებელი ხელწერითა და ფერთა გამით. რუსო ერთხელ უკვე გამოვფინე – მის შესახებ ოდნავ მეტი ამ პოსტით შეგიძლიათ შეიტყოთ.

5–11 სექტემბერი.

Monday, October 5, 2009

ერთი კვირა, კედელზე

დიდი ხანია, მისი გამოფენა მინდა, მაგრამ უგანწყობობის გამო ვდებდი. ეს ანრი რუსოა – ფრანგი პოსტიმპრესიონისტი.
რუსო თვითნასწავლი მხატვარი იყო, ხატვა 40 წელს გადაცილებულმა დაიწყო. მისი ნაივური, პრიმიტივისტული მანერით შესრულებული ნახატები მაღალი მხატვრულობით გამოირჩევა. ყველაზე ხშირად ჯუნგლებს ხატავდა, რომელიც არასდროს ენახა და შთაგონებას ილუსტრირებული წიგნებიდან იღებდა; ასევე – ადამიანებს ქალაქის პეიზაჟების ფონზე (თვლიდა, რომ პორტრეტული პეიზაჟის ახალი ჟანრი შექმნა). მისი პერსონაჟები უმეტესად შავ ტანსაცმელში არიან გამოწყობილები, რატომღაც..

კვირის მანძილზე რუსოს რამდენიმე ნახატს გამოვფენ. პირველად "კარნავალის საღამოს" წარმოგიდგენთ, მან თავი მეტად დამამახსოვრა. ამ ტილოზე განაკუთრებით კენწეროებიდან გამოჩენილი ცა და მთვარე მხიბლავს... ჰო, თვალი ყოველთვის გამირბის ფაცხის კედელზე ჩამოკიდებული სარკისკენ და ვფიქრობ, ვისი სახე ირეკლება მასში...
*
ფერადი – "ლუქსემბურგის ბაღი"
*
კვირის ბოლო ნამუშევრად რუსოს რომელიმე პორტრეტის გამოფენა გადავწყვიტე. იყოს ეს ფრანგი ნოველისტის – პიერ ლოტის პორტრეტი. მგონია, საინტერესოა ისიც და მისი კატაც :) მომინდა, ლოტზე მეტი მცოდნოდა და აღმოჩნდა, რომ ცხოვრებაშიც საკმაოდ საინტერესო პერსონა იყო – რომანტიკოსი, ეგზოტიკურ ქვეყნებში მოგზაური და კოლექციონერი (გარდა იმისა, რომ წერდა)..

5-11 ოქტომბერი.