Friday, August 21, 2009

მინაწერი

ამ რამდენიმე წლის წინ, ლიტერატურულ ფორუმ "ებლიტფოზე" ახლად გაწევრიანებულმა იმხანად ჩემთვის უცხო რამ წავიკითხე: მინაწერი ლექსზე. მანამდე, მსგავსი განხილვა არც ბეჭდურად შემხვედრია. ისიც აღმოვაჩინე, რომ იმ, მინაწერიან და ნებისმიერ სხვა კარგ ლექსზე ნაკლებ საინტერესო როდი იყო მისი კითხვა. "მინაწერებად" ტექსტებს მათი ავტორი - ემხვარი მოიხსენებდა და სულ მალე, ქართულ ლიტერატურულ ინტერნეტსივრცეში ერთგვარ ჟანრადაც იქცა, რადგან ნაწარმოების ასეთი ფორმით წაკითხვას სხვებიც შეეცადნენ.

ნებისმიერი ავტორისთვის მისი ნაწარმოების გულდასმით წაკითხვა და გამოთქმული აზრი ძალიან მნიშვნელოვანია. ეს მინაწერები კი მათი ავტორის – მკითხველის დაინტერესებას, მისეულ აღქმას, კრიტიკას გამოხატავს.
ახლა არქივს ვათვალიერებდი და ემხვარის მიერ ჩემ ლექსებზე გაკეთებულ მინაწერებს გადავხედე. ხუთი აღმომაჩნდა. ხუთივე ძალიან საინტერესოა, თანაც ჩემთვისაც მნიშვნელოვან ლექსებზეა გაკეთებული, მაგრამ აქ გამოსაქვეყნებლად "მუცოს" ავირჩევ:

"ეს ლექსი ჩემი არაა...
სამი დღეა ტვინით დავატარებ...
ახლა მომინდა დამედო...
აქ მთაც და ყველაფერი ანტურაჟი რომაა ფაქტია...
განშორებაზეც არაა...
უფრო ახლოს რომ ხართ...
ჩახუტებულები და მაინც განშ-ორ-ებაზე რომ ფიქრობ ისაა...
საგზალსაც იმარაგებ...
ერთადგატარებულ წუთებს, საათებს...დღეებს...
და მიზეზიც ნაპოვნიც რომ გაქვს წასასვლელად იმაზეცაა ალბათ...
მხარზეო..
მხარზე მძიმე ტვირთს იკიდებენ...
ოღონდ ისეთს ტარება რომ შეგიძლია...
სიხარულით რომ მიგაქვს ისეთ ტვირთსაც...
ხო სტვენაზე იცი რა გამახსენდა...
სტვენენ შიშის დასათრგუნად...
ფარა თეთრია...
ფიქრებიც თეთრია ხშირად...
შავებიც გამოერევა...
ფარასაც...
მერე შიმშილიც თავს გახსენებს...
მონატრების შიმშილი ქვია მაგას...
ერთად ხართ და გშიათ მაინც...
სხეულიც და სულიც...
თვალებს ხუჭავთ...
მილულავო...
"რუხ ჰორიზონტს შუბლს მიუშვერ..
ხელს გაუქნევ ნიავს - მიმართულების შესაცვლელად..."

რჩები..."


პ.ს. მინაწერის დასაწყისი იმან გამოიწვია, რომ მაშინ ჩემი ლექსი ანონიმურად გამოვაქვეყნე. ჯერ კიდევ არ ვამხელდი, რომ ვწერდი :)

4 comments:

ნასტასია said...

uff,rogor miyvars adaianebma akitxulis adamianurad gageba ro ician da kide,tavianti azris da shtabechdilebis adamianurad gamoxatva,da ara ise, ,,didebulia''
,,kargia'' da msgavsi arafris mtqmeli frazebit...

Keti said...

მეც..

Sophie Golden said...

შენთან რომ შემოვდივარ და ვკითხულობ, ისეთი დამშვიდებული გავდივარ...
მე საერთოდ, საერთოდ ვეღარ ვწერ ლექსებს, საკმარისი ემოციები აღარ მაქვს ეტყობა :|

Keti said...

სოფი :)
შეიძლება მოულოდნელად ისევ დაიწყო წერა, ვინ იცის..