არასოდეს

არასოდეს დაეკუთვნო შემოსაზღვრულ სივრცეს;
არასოდეს არ იყო ერთგული იმისა, რაც არ სუნთქავს, რადგან ეს მხოლოდ ის არის, რაც პირველი პუნქტი;
არასოდეს შეეჩვიო;
არასოდეს დარწმუნდე;
არასოდეს გაჩერდე.

"არასოდეს თქვა – არასოდეს"?
მაგას პრაქტიკულად ის კონტექსტი აქვს, რაც ახლა ჩამოვთვალე.
ანუ:
არასოდეს გეგონოს, რომ გზა არ გრძელდება;
არასოდეს თქვა, რომ აქაც კარგად ხარ;
არასოდეს დაკმაყოფილდე მიღწეულით;
არასოდეს თქვა, რომ ეს ბოლო დაღლაა.

მერე რა, რომ მარტო ხარ. ჩრდილი ხომ მოგდევს.
და ვიდრე მოგდევს... არასოდეს.