Monday, July 11, 2011

ერთი კვირა, კედელზე

მინდა, თანამედროვე ბრაზილიელი მხატვარი, იზაბელ გალერი, გამოვფინო. ცოტა რამ მის შესახებ: იზაბელ დუტრა გალერი 1968 წელს, ბელუ ჰორიზონტეში დაიბადა. დაამთავრა მინას გარაისის ფედერალური უნივერსიტეტის ხელოვნების სკოლა, სწავლობდა ხელოვნებისა და მუსიკის სხვადასხვა სკოლაში. გამოფენებს 1990 წლიდან აწყობს, არის რამდენიმე გამოცემის ილუსტრატორი, აგრეთვე – პოეტური კრებულის თანაავტორი. ვფიქრობ, საინტერესოა: მხატვარი, მუსიკოსი, პოეტი. იზაბელის ნახატებში მუსიკოსისა და პოეტის ამოცნობა არ ჭირს (თუმცა, ალბათ ყველა მხატვარში ცხოვრობს პოეტი და მუსიკოსი. აქ ჩამონათვალის თანმიმდევრობას მნიშვნელობა არ აქვს, ჯამი ხომ არ იცვლება). გალერის სახატავ თემებში განსაკუთრებული ადგილი მუსიკას უჭირავს: მაგალითად, ხშირად ხატავს პარტიტურებს. გამოყენებული ფერები კი აუცილებლად ბრაზილიისკენ და ბრაზილიური მუსიკისკენ გადაგამისამართებთ.
კვირის მანძილზე მის რამდენიმე ნამუშევარს გამოვფენ:
*
"რიტმები, I" (2010) სერიიდან "მუსიკა დასანახად", ან იქნებ ასე სჯობდეს: "თვალით აღსაქმელი მუსიკა"
*
"მორცხვობა" (2009) სერიიდან "დღესასწაული"

11-17 ივლისი.

4 comments:

babisa said...

momewona, saxlshic ki davkidebdi, ise momewona :)) uxdeba zafxuls

Keti said...

ჰო, მეც ასე მომწონს :))

Toma said...

რა ახალგაზრდა ყოფილა და ნამუშევარიც რა ლამაზია.

Keti said...

ჰო :)