Monday, August 16, 2010

ერთი კვირა, კედელზე

დღეს ალდო ბალდინგს წარმოგიდგენთ – ჩემი აზრით, საკმაოდ საინტერესო, თანამედროვე ხელოვანს. დაიბადა 1960 წელს, ინგლისში. ცხოვრობს საფრანგეთში, ლანგედოკ–რუსიონის რეგიონში. განათლებით ილუსტრატორია, მისი კარიერაც სხვადასხვა ჟურნალებში ილუსტრატორად მუშაობით დაიწყო; ახლა კი ცნობილია, როგორც პორტრეტისტი. ჩემთვის საინტერესოა მისი საოცრად ცოცხალი პორტრეტები, მომწონს სინათლე მის ტილოებზე და ამბები, რომლებსაც გვიყვება. რატომღაც მგონია, მას უყვარს თავისი გმირები – მათ დიდი დაკვირვებით და განწყობების თანაგანცდით გამოსახავს. ზურგით მდგომი პერსონაჟებიც (რომლებსაც არც თუ იშვიათად ხატავს) ისევე მეტყველები არიან, როგორც ისინი, რომლებსაც სახით ვხედავთ.
ალდო გამოფენებს 2000 წლიდან აწყობს, არის რამდენიმე ჯილდოს მფლობელი.

საკმაოდ გამიჭირდა გამოფენისთვის ნახატის შერჩევა – რამდენიმე მეტად მომეწონა, ზოგიერთთან ნაცნობი განწყობის პოვნამ შემაჩერა. კიდევ ერთი უცნაური (ჩემთვის) სურვილიც გამიჩნდა: დამხატოს :)
არჩევანი ამ კვირის კედლისთვის: ფინჯან ყავასთან ერთად

16-22 აგვისტო.

3 comments:

Khatia Caroline said...

ლამაზია :)ვოვ, აი ხატვა :)

Clown said...

ზედმეტად ცოცხალია :შ

Keti said...

* ხატია :)

* გიო, ჰო, გავიწყდება, რომ ნახატს უყურებ :)