Wednesday, December 29, 2010

საუბრები ლიტერატურაზე

დიდი ხანია, ჩემი ბლოგის თაროზე ახალი გამოცემა არ დამიმატებია. ორი დღის წინ ეროვნული ბიბლიოთეკის მორიგი ლიტერატურული კრებულის წარდგინება გაიმართა. კრებულში არაერთი საინტერესო ინტერვიუ თუ წერილი შევიდა. ვინც თანამედროვე ქართულ ლიტერატურას ეცნობა, მათთვის ამ ავტორებისა თუ მთარგმნელების სახელები ნაცნობია, თუმცა ისიც უნდა ითქვას, რომ ბევრ მათგანს იშვიათად შეხვდებით ლიტერატურაზე მოსაუბრეს – მათთან ჩაწერილი ინტერვიუების სიმცირეს ან საერთოდ არარსებობას ვგულისხმობ.
კრებული ლევან ბერძენიშვილის მიერ მოთხრობილი "ლიტერატურული ისტორიებით" იხსნება: ეს არის ვრცელი ინტერვიუს პირველი ნაწილი, რომელიც ვფიქრობ, ნებისმიერ ლიტერატურის მოყვარულს დააინტერესებს. გარდა ამისა, დაიბეჭდა გიორგი კილაძის მიერ ჩაწერილი ინტერვიუები: ვაჟა ხორნაულთან, ლევან ტატიშვილთან, თეა თოფურიასთან, გიორგი საჯაიასთან, ქარდა ქარდუხთან, ზაზა ბიბილაშვილთან, გიორგი კეკელიძესთან, ბაჩო კვირტიასთან, მაკა მიქელაძესთან და სხვებთან; ლიტერატურული საუბრები ლევან რამიშვილთან; ნინო სადღობელაშვილის, მარსიანის, იკა ქადაგიძის, ნინო დარბაისელის, მაია სიმონიშვილის, ნინო გედენიძის და სხვების წერილები...
ყოველი მორიგი კრებულის გამოსვლისას ვამბობ – ეს უკეთესია, ვიდრე წინა და გული მწყდება მცირე ტირაჟზე. იმედია, ეს კრებული სრული სახით ელექტრონულადაც გახდება ხელმისაწვდომი.

6 comments:

undone said...

საინტერესო იქნება :) იქნებ მეც შევიძინო ;)

Keti said...

კი, საინტერესოა, ოღონდ არ იყიდება :) საჩუქრად რიგდება ხოლმე, პრეზენტაციაზე..

Sophie שרה Golden said...

არასოდეს წამიკითხავს ასეთი წიგნები, სიმართლე გითხრა და დავინტერესდი. საინტერესო უნდა იყოს, სხვადასხვა ხალხის აზრი ლიტერატურაზე, მაგრამ როგორც წესი, მეშინია, რომ თავი ძალიან არ ამირიონ, ისედაც იმდენი რამით მაქვს გამოტენილი.
:)))

Keti said...

სოფი, არ აგირევენ, დარწმუნებული ვარ :)) ინფორმაციული უფრო ეთქმის ამ ყველაფერს..

Clown said...

დამაინტერესა ძალიან, თან ჩემთვის სიახლე იქნება ასეთი ტიპის წიგნი ^_^

Keti said...

მიხარია :)